Þjónusta í Smáralind

Þjónustuborð Smáralindar er opið á afgreiðslutíma Smáralindar og er staðsett á 2. hæð á milli Zöru og Vila. Þar er hægt að fá upplýsingar um allt sem viðkemur Smáralind en einnig er eftirfarandi þjónusta í boði:

Hjólastólalán
Á þjónustuborðinu er hægt að fá lánaðan hjólastól. Við lánum hjólastólinn án endurgjalds gegn skráningu og framvísun skilríkja.
Barnakerrur að láni
Hægt er að fá regnhlífakerrur að láni endurgjaldslaust. Kerrurnar henta börnum sem eru allt að 15 kg. Kvitta þarf fyrir láninu á þjónustuborðinu og skila svo kerrunni þangað eftir notkun.
Tapað og fundið
Á þjónustuborðinu er haldið utan um muni sem finnast í Smáralind. Óskilamunir eru geymdir í tvær vikur og eftir það eru þeir gefnir til góðgerðamála.
Strætómiðar og strætóleiðir
Auðvelt er að ferðast með strætó til og frá Smáralind með strætisvagnaleiðum 2, 24 og 28. Strætómiðar- og kort eru seld á þjónustuborðinu.

Hægt er að hafa samband við þjónustuborðið í síma 528 8000 eða með því að senda tölvupóst á thjonusta@smaralind.is

Þarft þú að pakka inn gjöf?

Í Smáralind er glæsileg innpökkunaraðstaða þar sem þú getur pakkað inn öllum þínum gjöfum. Margar gerðir af umbúðapappír eru í boði og fallegir borðar til að skreyta.

Innpökkunarborðið er staðsett á 2. hæð fyrir framan H&M.

Frábær aðstaða fyrir börn og foreldra

Leiksvæði á göngugötunni

Skemmtileg leiksvæði eru fyrir yngri kynslóðina í Smáralind. Þar geta foreldrar stoppað og hvílt sig á meðan börnin fá smá útrás. Leiksvæðin henta börnum á öllum aldri.

Hnoðrakot - Gjafa og skiptiherbergi

Í Hnoðrakoti á 2. hæð við hlið World Class er aðstaða fyrir foreldra til að skipta á litlum krílum og gefa þeim í rólegu og notalegu umhverfi. Þar er einnig fín aðstaða fyrir stóru systkinin.

Barnagæsla fyrir 4-12 ára

Í Barnalandi er glæsileg barnagæsla fyrir börn á aldrinum 4–12 ára sem skipt er í tvö svæði, annars vegar leikaðstöðu fyrir yngri börn og hins vegar risastóra, 6 hæða klifurgrind fyrir eldri börnin. Nánari upplýsingar er að finna á vef Smárabíó

Gjafakort Smáralindar