Upplýsingar vegna hertra samkomutakmarkanna
Í Smáralind er fyrirmælum Almannavarna vegna Covid-19 fylgt í hvívetna. Nú hefur tekið gildi ný takmörkun á samkomum sem gildir til 17. nóvember næstkomandi.
Í tilefni takmarkana á samkomum vegna Covid-19 sem gilda frá 31. október til 17. nóvember næstkomandi viljum við koma eftirfarandi á framfæri:
Öllum viðskiptavinum og starfsfólki í Smáralind er skylt að bera andlitsgrímur bæði inni í verslunum og á göngugötu. Börn fædd 2015 og síðar eru þó undanskilin þessari reglu.
Matvöruverslunum og apótekum er heimilt að hafa allt að 50 manns inni í einu, að því gefnu að uppfylltar séu fjarlægðartakmarkanir og tveggja metra reglan sé tryggð. Matvöruverslanir og Apótek sem eru yfir 1.000 fermetrar að stærð mega hleypa inn einum einstaklingi aukalega fyrir hverja 10 fermetra sem fara yfir 1.000 fermetra svo lengi sem 2ja metra reglu sé fylgt, þó að hámarki 100 manns. Í verslunum og á veitingastöðum er heimilt að 10 einstaklingar séu inni í sama rými á sama tíma, svo lengi sem hægt er að tryggja 2ja metra fjarlægð á milli einstaklinga. Fjöldatakmarkanir eiga ekki við sameign hússins en í hvívetna þarf að fylgja 2 metra reglunni um fjarlægð á milli fólks.
Líkamsræktarstöðvum, hárgreiðslu- og snyrtistofum er gert að hafa lokað til 17. nóvember.
Rekstur Smáralindar er að öðru leiti með óbreyttu sniði. Þrif á sameignarsvæðum, s.s. lyftur, rúllustigar, leiksvæði, handrið og salerni er áfram margfalt meiri en vanalega til að tryggja hreinlæti og sprittstandar eru víðs vegar um húsið. Innpökkunarborð er tímabundið lokað til að tryggja sóttvarnir.
Smáralind fylgist vel með fyrirmælum Almannavarna og Embættis landlæknis og aðgerðir verða endurmetnar eftir því hvernig málin þróast. Við hvetjum alla til að leggjast á eitt og fylgja fyrirmælum og passa upp á fjarlægðarmörk og sóttvarnir.