Sæt á 10 mínútum
Hver kannast ekki við það að varalita sig undir stýri á leið í vinnuna? Hér erum við með skotheld meðmæli með snyrtivörum sem eru tilvaldar í tíu mínútna förðun. Nú er Tax Free af snyrtivörum í Hagkaup, Smáralind og því heldur betur tilefni til að gera vel við sig.
Ef þú ert á hraðferð er ekkert betra en farðastifti. Ekki láta orðið stifti blekkja þig því nýju formúlurnar eru ekkert líkar þeim sem voru við líði á tíunda áratugnum. Við elskum farðastiftið frá bareMinerals sem gefur húðinni raka og ljóma og hægt er að nota sem "ábót" yfir daginn. Fullkominn í handtöskuna! Þær sem kjósa púðurkenndari áferð og örlítið meiri þekju mælum við með All Hours-stiftfarðanum frá YSL.
Til að vekja húðina á augabragði og gefa henni frísklegt yfirbragð er blautur kinnalitur málið. Pot Rouge frá Bobbi Brown er líka hægt að nota á varir og augu og því margar flugur slegnar í einu höggi. Fljótlegt en fabjúlöss!
Nuddaðu örlitlu af blauta highlighternum frá Becca á milli fingranna og dúmpaðu efst á kinnbein til að fá fallegan ljóma. Tekur enga stund en gerir svakalega mikið fyrir heildarútlitið.
Til að losna við blámann undir augum er fátt betra en Age Rewind-hyljarinn frá Maybelline í litnum Neutralizer.
Ýfðar augabrúnir eru ungleikamerki og hver vill ekki líkja eftir Brooke Shields? Brow Artist Plumper frá L´Oréal er frábær leið til að ýkja augabrúnirnar á núlleinni.
Instant Light Lip Perfector-glossin frá Clarins eru í uppáhaldi hjá mörgum uppteknum konum enda einstaklega fljótleg og þægileg í notkun. Þau klístrast ekki, gera varirnar extra djúsí og ilma dásamlega.
Ef þú vilt vera extra fín en hefur ekki mikinn tíma mælum við með augnskuggapennum eins og Ombre Hypnôse Stylo frá Lancôme. Þeir koma í mörgum litum og haldast á augunum allan liðlangan daginn. Ef þú nennir ekki augnskugga þá er einnig snjallt að nota sólarpúður til að dusta yfir augnlokið fyrir frísklegt útlit og smá skugga.
Maskarinn er ómissandi og auðvitað mjög persónubundið hvað hver og ein kona fílar. En ef þú vilt geta byggt upp mjög þykk augnhár sem haldast uppbrett er Lash Volumiser 38°C frá Sensai málið. Hann fer ekki af nema við 30 gráðu heitt vatn. Við getum einnig mælt með Volume Effet Faux Cils frá YSL og Lash Sensational frá Maybelline.
