Klassískt og trendí
Góðar gallabuxur eru gulls ígildi og fallegur blazer-jakki er skyldueign hverrar konu. Hér koma hugmyndir að stíliseringu á þessum klassísku flíkum.
Það er ekkert lát á vinsældum dýramynstra í tískuheiminum. Þessir eru hrikalega smart við gallabuxur og flottan blazer-jakka. Zara, 5.595 kr.
Kamellitur og öll blæbrigði beislitar eru málið í sumar. Veldu jakka með belti sem undirstrikar mittið, sérstaklega ef buxurnar eru með beinu eða víðu sniði. Zara, 15.995 kr.
Látlaust skart setur punktinn yfir i-ið. Þessi staki lokkur er úr smiðju George Jensen. Jens, 48.900 kr.
Úr sem blandar saman gulli og silfri eru á sama tíma klassísk og móðins í dag. Meba, 31.600 kr.
Hlýrabolirnir frá Rosemunde eru skyldueign og ganga við allt og öll tilefni. Karakter, 7.995 kr.
Paintpot-in frá Mac eru frábær fyrir áreynslulaust útlit. Liturinn Laying Low er hlýr og passar vel inn í beisleitt sumartrendið. Kremaður augnskugginn helst líka á allan liðlangan daginn, sem er alltaf plús fyrir nútímakonuna. Mac, Smáralind.
Góðar gallabuxur eru himnasending. Upphátt snið er líka einstaklega klæðilegt en nú er vinsælast að gallabuxurnar víkki örlítið út að neðan eða séu beinar og endi við ökklann. Wedgie-sniðið er málið en það er til í mörgum litum, Levi´s, 14.900 kr.
Framkallaðu náttúrulega sólkysst útlit með kremaða sólarpúðrinu frá Chanel. Notaðu bursta úr gervihárum og nuddaðu í kringum andlitið og yfir nefið. Hagkaup.
Við vonum að við þurfum sem mest á sólgleraugum að halda í sumar. Þessi koma úr smiðju Ray Ban. Optical Studio, 19.900 kr.
Frá vorsýningu tískuhússins Max Mara.