Hér er Fótboltaland
Fótboltaland, einn glæsilegasti skemmtigarður landsins, hefur opnað í Smáralind. Fótboltaland býður upp á fjöruga skemmtun með hreyfingu fyrir börn og fullorðna á öllum getustigum fótbolta. Fótboltaland er staðsett í Vetrargarðinum á 2. hæð.
Fótboltaland er fyrsti fótboltaskemmtigarður Evrópu og þótt víðar væri leitað. Þetta er einn glæsilegasti skemmtigarður landsins með mikinn fjölda stafrænna tækja og þrauta sem tengjast fótbolta.
Í Fótboltalandi er að finna afþreyingu fyrir börn og fullorðna þar sem vinsælasta íþrótt heims er í forgrunni. Með stofnun Fótboltalands er ekki aðeins komið til móts við þarfir knattspyrnuáhugamanna heldur er þar einnig mætt vaxandi eftirspurn eftir fjörugri skemmtun með hreyfingu sem hentar öllum aldurshópum.
Í Fótboltalandi er að finna um tuttugu mismunandi þrautabrautir og er þeim skipt í keppnisbrautir og skemmtibrautir. Á keppnisbrautunum reyna gestir að ná sem flestum stigum og sigra þannig vini eða fjölskyldu á viðkomandi brautum. Í skemmtibrautunum snýst allt um að skemmta sér þó alltaf sé hægt að setja upp keppni í þeim líka ef gestir kjósa það. Í skemmtibrautum geta fleiri en einn spilað á sama tíma.
Helstu tækninýjungar eru notaðar í Fótboltalandi, þar á meðal RFID armbönd sem halda utan um skor keppenda og stafrænn fótboltabúnaður frá Elite Skills Arena sem notaður er á æfingasvæðum stærstu knattspyrnufélaga heims.
Fótboltaland er tilvalin afþreying fyrir vini, hópa, fjölskyldur og afmæli. Allar nánari upplýsingar og tímabókanir eru að finna á fotboltaland.is.