Fimleikafjör í Smáralind
Dagana 14. – 17. september verður hægt að horfa á alla keppnisdaga Evrópumótsins í hópfimleikum í beinni útsendingu í Smáralind. Þar sem Pizza Hut var áður er komið EM-horn, en þar geta áhorfendur komið saman og skemmt sér við að horfa á mótið á stórum skjá, og stutt landsliðið okkar í góðri stemningu.
Laugardaginn 17. september verður einnig skemmtidagskrá og mikil fimleikagleði í Smáralindinni sem endar í EM-horninu þar sem hægt verður að horfa á úrslitakeppni í kvenna- og karlaflokki.
Einnig verður mótið sýnt á veitingastaðnum Sport og Grill og á skjáum víða um Smáralind þar sem að gangandi vegfarendur geta staldrað við og horft á þessa glæsilegu íþrótt sem fimleikar eru.
Þann 17. september er svo skemmtileg dagskrá þar sem boðið verður upp á fimleikaatriði, handstöðukeppni þar sem hver sem er getur tekið þátt, sirkussýningu frá Skemmtikraftaköllum, atriði úr Latabæ, blöðrur frá Blaðraranum, andlitsmálningu og HM-farar í áhaldafimleikum gefa eiginhandaáritun.
Smelltu hér og skoðaðu dagskrána á vef Fimleikasambands Íslands.
Vertu velkomin í fimleikafjör í Smáralind!