Smáralind endurvottuð með BREEAM In-Use „Very Good"
Smáralind hefur verið endurvottuð samkvæmt BREEAM In-Use umhverfisvottunarkerfinu með einkunnina "Very Good". Smáralind var fyrsta byggingin á Íslandi til að hljóta BREEAM In-Use vottun árið 2019 og staðfestir endurvottunin áframhaldandi áherslu á ábyrgan og sjálfbæran rekstur.
Í tengslum við endurvottunina hafa verið gerðar ýmsar umbætur á rekstri byggingarinnar. Þar á meðal var vatnssparandi búnaður settur upp í Garðinum mathöll. Þá hafa verið unnin fjölmörg möt og greiningar fyrir bygginguna, meðal annars orkuúttekt, uppfærð viðbragðs- og rýmingaráætlun, loftslagsáhættumat, flóðaáhættumat, öryggisáhættumat og vistfræðiskýrsla.
Endurvottunin er óháð staðfesting á því að Smáralind sé rekin í samræmi við alþjóðlega viðurkennda staðla um umhverfismál, öryggi og rekstur. Hún undirstrikar markvissa nálgun í nýtingu auðlinda, öryggismálum og áhættustýringu. Með því er lagður grunnur að ábyrgum og stöðugum rekstri sem styður við fjölbreytta notkun hússins og þá upplifun sem þar á sér stað dag hvern
