Hér eru 16 ný hleðslustæði fyrir rafbíla
Nýlega var 16 hleðslustæðum fyrir rafbíla bætt við á bílastæðaplanið sunnan megin við Smáralind. Þessi stæði bætast við þau 16 stæði sem nú þegar má finna norðan megin við húsið.
Nýlega var 10 nýjum 11-22 kW hleðslustæðum bætt við á bílastæðaplanið sunnan megin við Smáralind. Þessi stæði bætast við þau 16 stæði sem nú þegar má finna norðan megin (Hagkaupsmegin) við húsið en þar eru 8 hleðslustöðvar staðsettar á 1. hæð bílastæðahússins og 8 stöðvar á 2. hæð sömu megin.
Einnig var bætt við 240kW hraðhleðslustöð sem getur þjónað 4 bílum í einu sunnan megin en þær stöðvar bjóða upp á þrjú CCS tengi og eitt CHADEMO tengi. Tvöfaldri hleðslustöð var komið upp við bílastæði fyrir fatlaða en sú stöð er í lækkaðri hæð til þess að auðvelda aðgengi.
Nú má því finna 28 hleðslustæði og 4 hraðhleðslustæði í heildina við Smáralind. Virkja má stöðvarnar með Ísorkulykli eða Ísorkuappi og má sjá verðskrá í Ísorkuappinu.
Við hjá Smáralind erum virkilega ánægð með þessa viðbót og vonum við að þetta muni nýtast gestum okkar vel.
Hlökkum til að sjá þig!