Upplýsingar vegna samkomutakmarkana

24. mars 2021

Í tilefni fjöldatakmarkana sem gilda til 14. apríl viljum við koma eftirfarandi upplýsingum á framfæri.

Í tilefni takmarkana á samkomum vegna Covid-19 sem gilda frá 25. mars til 14. apríl næstkomandi viljum við koma eftirfarandi á framfæri:

Öllum viðskiptavinum og starfsfólki í Smáralind er skylt að bera andlitsgrímur bæði inni í verslunum og á göngugötu. Börn fædd 2005 og síðar eru þó undanskilin þessari reglu.

Verslunum í Smáralind er heimilt að hafa allt að 5 viðskiptavini inni í einu á hverja 10 fermetra að hámarki 50 manns, að því gefnu að uppfylltar séu fjarlægðartakmarkanir og tveggja metra reglan sé tryggð. 20 starfsmenn mega vera í sama rými og viðskiptavinir. Veitingastaðir mega hafa að hámarki 20 viðskiptavini í einu sem allir skulu skráðir og fá afgreiðslu í númeruð sæti. Veitingastaðir mega hafa opið til klukkan 22 en mega ekki taka á móti gestum eftir kl. 21. Líkamsræktarstöðvum er gert að hafa lokað. Fjöldatakmarkanir eiga ekki við sameign hússins en í hvívetna þarf að fylgja 2 metra reglunni um fjarlægð á milli fólks.

Rekstur Smáralindar er að öðru leiti með óbreyttu sniði. Þrif á sameignarsvæðum, s.s. lyftur, rúllustigar, leiksvæði, handrið og salerni er áfram margfalt meiri en vanalega til að tryggja hreinlæti og sprittstandar eru víðs vegar um húsið. Innpökkunarborð er tímabundið lokað til að tryggja sóttvarnir.

Smáralind fylgist vel með fyrirmælum Almannavarna og Embættis landlæknis og aðgerðir verða endurmetnar eftir því hvernig málin þróast. Við hvetjum alla til að leggjast á eitt og fylgja fyrirmælum og passa upp á fjarlægðarmörk og sóttvarnir.