Auglýsinga- og upplýsingaskilti Smáralindar hljóta virt hönnunarverðlaun

IF Design Awards hafa verið veitt frá árinu 1953.

26.3.2018

Simon Dance Design hannaði ný auglýsinga- og upplýsingaskilti fyrir Smáralind og voru þau tekin í notkun á síðasta ári. Eicher Werkstätten í Þýskalandi framleiddi skiltin og Íslenska auglýsingastofan annaðist grafíska hönnun í þau.

Hönnun skiltanna hlaut um helgina hin virtu IF Design Award 2018 í flokki sem snýr að vöruhönnun fyrir almenningsrými og smásölu en verðlaunin voru afhent við hátíðlega athöfn í BMW World í München um síðastliðna helgi.

„Auglýsinga- og upplýsingaskjáirnir eru liður í því umbreytingaferli sem Smáralind er á og hefur verið undanfarin tvö ár. Við erum gríðarlega ánægð með hvernig hefur til tekist enda var engu til sparað og verkefnið unnið með einkar færu hönnuðarfyrirtæki og framleiðendum sem starfað hafa fyrir stærstu vörumerki í heimi“ segir Sturla Eðvarðsson, framkvæmdastjóri Smáralindar sem viðstaddur var móttöku verðlaunanna. „Verslanir okkar í húsinu hafa hag af því að koma sínu vörumerki á framfæri innanhúss í þessum fallegu skjáum og þeir gefa húsinu skemmtilegan blæ til viðbótar við það að vera upplýsandi fyrir gesti Smáralindar“.

 

Hönnun: Simon Dance Design

Grafísk hönnun: Íslenska Auglýsingastofan

Framleiðandi: Eicher Werkstätten

Myndir: Andreas Körner, Bildhübsche Fotografie

 

888_A&S-Totem_SML-02_Copyright-©-2018-Simon-Dance-Design_180312