Fullkomnasta kvikmyndahús landsins
Smárabíó býður upp á allt það besta sem kvikmyndahúsagestir sækjast eftir. Salirnir eru allir hannaðir með það fyrir augum að áhorfendur njóti sýningarinnar við fullkomnustu aðstæður sem völ er á í dag. Risasýningartjald, fullkomið hljóðkerfi ásamt góðu útsýni úr gæðasætum tryggja þægindi áhorfenda og áhrifamikla upplifun.
Bíóið er með 5 sali og tekur rúmlega 1.000 manns í sæti:
- Salur 1 400 manna
- Salur 2 256 manna
- Salur 3 71 manns lúxussalur
- Salur 4 165 manna
- Salur 5 120 manna
Lúxussalur
Konfektmoli Smárabíós er lúxussalurinn. Kvikmyndaunnendur láta líða úr sér í stillanlegum leðursætum með sérstakt borð fyrir veitingar. Salurinn tekur 71 gest og er bil milli sæta 2 metrar. Þjónustustig lúxussalarins er hærra en í öðrum sölum og leyfilegt er að taka með sér vínveitingar inn í salinn meðan á sýningu stendur. Miðaverð er hærra í þennan sal en aðra sali bíósins.
Ráðstefnuaðstaða
Allir salir Smárabíós nýtast til funda- og ráðstefnuhalds. Þeir eru útbúnir nauðsynlegum tækjum og tengingum og lýsing er góð. Úrval veitingastaða er í Vetrargarðinum og góð sýningaraðstaða sem nýst getur samhliða fundarhöldum.
